Әл-Фараби атындағы Қазақ ұлттық университетінің 90 жылдық қызметі, жас ұрпақтың зияткерлік әлеуетін дамытуға, өз үлесін қосып келеді.
Барлық талапкерлер білім алу траекториясын таңдағанда, ЖОО-ның бүкіл әлемге танымалдығын таңдаумен қатар, кішкентайымыздан құлағымызға сіңіп қалған, қара шаңырақ әл-Фараби атындағы ҚазҰУ-ды бірден еске түсіреміз. Шынында да, еліміздің әрбір азаматы және әлемдегі білім беру үрдістерін бақылайтын кез-келген адам, әл-Фараби атындағы Қазақ ұлттық университетінің әлемдік деңгейдегі университеттердің бірі екенін біледі.
Әл-Фараби атындағы ҚазҰУ QS беделді рейтингтік агенттігінің зерттеу қорытындысы бойынша «QS World University Rankings (QS WUR) – 2025» рейтингінде 166 орын алды. Сондықтан, талапкерлер өздері оқығысы келетін жоғары оқу орындарының тізімін белгілегенде, олар көбінесе “ең жақсы университетте білім алуға лайықпын” деп шешетіні таңқаларлық емес.
Ғалым Т.Тәжібайұлының басшылығымен ашылған, қазіргі таңда “Педагогика және білім беру менеджменті” кафедрасының басты міндеті — білім алушылардың шығармашылық қабілеттері мен белсенділігін, өзіне деген сенімділігін, еркіндігін, инициативалық сезімін, ойлау мен жасай білуін, кәсіби дағдыларын дамыту барысында, кафедра ұжымы білімді, білікті, бәсекеге қабілетті мамандар даярлауда қажымай еңбек етіп келеді.
85 жыл тарихы бар “Педагогика және білім беру менеджменті” кафедрасы тек еліміздің білім алушыларымен қатар, шетел азаматтарына да қызмет жасап, заман талабына сай сапалы біліммен қамтамасыз етеді және мына бағыттар бойынша мамандар даярлайды:
Бакалавриат: оқу мерзімі 4 жыл
- 6В01802 – Әлеуметтік педагогика
- 6В01101 – Педагогика және психология
Магистратура: оқу мерзімі: 2 жыл — ғылыми-педагогикалық бағыт
- 7М01805 — Әлеуметтік педагогика
- 7М01101- Педагогика және психология
- «7М01102- Педагогика және психология»
- 7М01105 – Педагогика. Білім берудегі менеджмент
- 7М04134 – Білім берудегі менеджмент (1 жыл — бейіндік бағыт)
- 7М03132 — Білім саясаты
- 7М01103 — Инклюзивті білім беру жағдайындағы заманауи технологиялар
Докторантура: оқу мерзімі 3 жыл
- «8D01802 – Әлеуметтік педагогика»
- «8D01101 – Педагогика және психология»
- «8D01102-Педагогика. Білім берудегі менеджмент».
Иә, алайда, сіз өзіңізді оқуға түскендердің тізімінен, сондай-ақ мемлекеттік грант тізімінен көргенде, бұл керемет қуаныш, стресс, қорқыныш, толқу, уайым, шаршау толығымен ұмытылады!
Әл-Фараби атындағы Қазақ ұлттық университетінде білім алу — ұлылық, тұрақтылық, байыптылық, оқу — бұл қуаныш, мақтаныш, әрине, туған жерге деген сүйіспеншілік… Бірегей сабақтар, белгілі отандық және шетелдік профессорларынан сабақ алу, ғасырлар бойы дәлелденген тың бағдарламалар, академиялық ұтқырлық бойынша шетел университеттерінде білім алу, түрлі білім беру ұйымдары және серіктестік аясында тәжірибеден өту, табысты оқыту және сапалы білім беру қызметімен қамтамасыз ету, қос дипломды білім беру, іргелі білім, қызықты оқу, бай студенттік өмір сізді күтеді.
Бакалавриат дәрежесін аяқтағаннан кейін, кәсіби дайындықта табысқа қол жеткізген және ғылыми зерттеулерге бейімділік танытқан студенттер магистратураға түсуге ұсынылады. Қажетті деректер университет сайтынан толық мағлұматтар алуға болады.
Автор: п.ғ.к. Нургалиева Долорес Абилдаевна
