«AMANAT» партиясының бүгінгі қызметінде «Miras» кеңесі ұлттық құндылықтарды ұлықтау, мемлекеттік тілді дамыту мен халқымыздың мәдениеті, салт-дәстүрін насихаттау тұрғысындағы ұстанымдарын берік сақтап келеді. Бүгінде тұғыры биік еліміздің өркендеу жолында үлкен белестер бағындырдық.
2023 жыл айтулы оқиғаларға толы жыл болды, түрлі мәдени, ғылыми іс-шаралар өтті.
Елімізде болып жатқан оң өзгерістердің куәгері болу, соның бір бөлігі болу – бұл еліміздің руханиятына деген ерекше қолдау, һәм бізге артылған үлкен жауапкершілік деп түсінемін. Ел тарихындағы елеулі оқиғалар жас ұрпақтың бойына рухани құндылықтарды сіңіріп, нағыз отаншылдыққа тәрбиелеуі тиіс.
2023 жылдың басынан бастап «AMANAT» партиясы Алматы қалалық филиалы саяси жұмыс бөлімі «Miras» азаматтық қоғам мен мәдениетті дамыту жөніндегі кеңестің 5 отырысын өткізді, оның 1 уі жоспардан тыс, отырыстың нәтижесінде 13 сұрақ қаралып, мемлекеттік және тиісті органдарға 29 ұсыныс жолданды.
17 мамырда өткен жоспардан тыс отырыстарда Кеңес иногерлердің мәселесі, киноиндустрия мен ұлттық мемлекеттік кинематографияны қолдау орталығының мәселесін қарады, онда екі тарап тыңдалып, кеңес мүшелерімен талқыланды.
Кинематографистер мәдениет және спорт министрлігінен тәуелсіз комиссия тобын құруды, тәуелсіз комиссияның қорытындысына дейін Сараптамалық кеңестің жұмысын уақытша тоқтатуды ұйымдастыруды, Ұлттық мемлекеттік киноны қолдау орталығына ұсынылған 283 жұмыс құжатын қайта тексеруді және заңсыз әрекеттер анықталған жағдайда осы орталықтың басшылығына тиісті шаралар қабылдауды талап етті.
Осы талап бойынша кеңесте тыңдалды, арнайы хаттама әзірленді және «Miras» республикалық кеңесіне жолданды, ұсынылған ұсынымдар оң шешілді.
Сондай-ақ, кеңесте барлық уақытта драма театрларында қойылым, сахна мәдениеті, өнер адамдарының этикасы, патриотизмді, жастар рухын арттыру және т. б. мәселелер қаралды.
Қазіргі таңда қоғамымыздағы руханиятты дамытуға, игілікті, адамгершілікті, қайырымдылық пен өзара түсіністікті өрістетуге жол ашып, үздік мәдени дәстүрлерді сақтауға, молайтуға ерекше мән берілуде, бұл қуантарлық жайт.
Мұхтар Әуезов «Ғылым мен мәдениет барлық дүниенің алтын алқасы болып отыр» — деп мәдениетке үлкен баға беріп кеткен, бүгінде бұл салаға барынша көңіл бөлініп, қаламыздың мәдени өмірінің жандануына барынша күш салынуыда. Әлем бір орында тұрмайды, ал даму үстінде неше түрлі сын-қатерлер болуы мүмкін. Ең бастысы сол сындарды еңсере білуде, еңсеру жолында біріге алуымыз керек.
Осы уақытқа дейін елеулі еліміздің төл мәдениеті мен мемлекеттік тілді жаңғырту ісінде көптеген жұмыстар атқарылды, ары қарайда бұл жұмыстар жалғасатын болмақ.
Одан бөлек кеңесте «AMANAT» партиясының «Ұлттық мұра» партиялық жобасы іске асып жатыр, соның аясында 4 мың адамды қамтитын бірқатар ауқымды мерейтойлық және салтанатты 119 іс-шара өткізіліп, ұйымдастырылды.
2023 жылдың басында «Тоғызқұмалақ» ұлттық спорт түрінен «AMANAT CUP» турнирі ұйымдастырылып, оқушылар арасында тұрақты негізде «асық ату», «қазақша күрес» және т. б. жарыстар өткізілді.
Аудандарда Абай күніне орай түрлі челлендждер мен Абай оқулары, ал Сәтбаев университетінде Қазақстанның тұңғыш антрополог ғалымы Оразақ Исмагуловтың «Өмірімнің мәні мен сәні» атты кітабының тұсаукесері өтті. Қала мектептерінде оқушылар арасында ұлттық ойындардан жарыстар ұйымдастырылды.
Қазақстан халықтарының бірлігі күніне орай ҚХА-мен бірлесіп «Бірлік туы-AMANAT» қайырымдылық жәрмеңкесі ұйымдастырылды, іс-шара аясында әлемнің түрлі елдерінен келген асүйлердің аспаздық тағамдары ұсынылды.
«Кітап-AMANAT» орталығында Республика күніне орай егемендік туралы Декларацияны әзірлеуге тікелей қатысқан және тәуелсіздік жылдары ел іргесін қалауда еңбек еткен құрметті азаматтармен кездесу өтті, кездесуге кеңес мүшесі, жазушы, Қазақстанның еңбек сіңірген қайраткері Сәуле Досжан, қоғам қайраткері, жазушы-публицист, профессор Марат Тоқашбаев, белгілі ақын, «Көк тудың желбірегені» әнінің авторы Алмас Сақбаев қатысты. Сонымен қатар орталықта жобасы аясында дарабоз дарын, ақын Маралтай Ыбыраевтың оқырмандармен шығармашылық кездесуі өтті.
Сондай-ақ, қаланың мәдениет саласындағы мәселелері талқыланып, көрнекті қайраткерлердің мерейтойлары өткізілді, бұл қалада атқарылып жатқан жұмыстардың бір бөлігі ғана. Алда әлі бірқатар жұмыстар жалғасын табатын болады.
Todayinfo.kz
