“Нұрмұқасан” тобына жаңадан қосылған әнші Ғалымжан соққыға жығылғанын хабарлады. Оқиға туралы ақпаратты блогер Жан Ахмадиевтің парақшасы таратты деп хабарлайды Todayinfo.
Айтуынша, даудың басы топ орындаған әннен басталған. Мәселені бейбіт жолмен талқылау үшін Ғалымжан топтың бұрынғы әншісі Мұқасан Шахзадаевтың үйіне барған. Алайда ол жақта жағдай ушыққан: бірнеше адаммен бірге жүрген Шахзадаев Ғалымжанға күш қолданғаны айтылады.
Салдарынан Ғалымжан түрлі дене жарақаттарын алып, мұрны мен қолы сынған. Ең сорақысы оқиға орнына шақырылған полиция Мұқасанды емес, керісінше жәбірленушінің өзін ұстап әкеткенін айтады.
Қазір “Нұрмұқасан” тобының мүшесі заңгерлердің көмегіне жүгініп, “жуан жұдырықты” әртісті жауапқа тартуды талап етіп отыр. Оқиға бойынша құқық қорғау органдарына ресми шағым берілген.
