24 KZ телеарнасының тілшісі Шахтерское ауылының Мәдениет үйінде музыкант баламен кездесіп, одан президенттің өңірге сапары кезінде одан не сұрайтынын сұрады.
«ПРЕЗИДЕНТТЕН СУ ТОЛТЫРЫЛҒАН КУЛЕР СҰРАЙМЫН»
Президент облысқа келіп, «Бүгін менің көңіл-күйім тамаша. Міне, жанымда облыс әкімі тұр. Не сұрасаң да бәрін береміз. Оны облыс басшысына тапсырамын», — десе не сұрайтын едің деп балаға сұрақ қояды.
— Ну, прездент келсе біздің Мәдениет үйіне су толтырылған кулерді қойса екен деп сұрайтын едім, — деді шын көңілімен.
Содан кейін баланың өтініші бірден орындалып, Мәдениет үйіне су толтырылған кулер қойылды.
Кеше мемлекет басшысы Қасым-Жомарт Тоқаев Қарағанды облысына жұмыс сапарымен барып, Теміртау қаласындағы Qarmet металлургиялық комбинатында болып, осы жердегі «Qarmet» акционерлік қоғамының диспетчерлік-талдау орталығын аралап көрді. Одан кейін Қарағанды қаласының Пришахтинск ықшамауданында таяуда ғана ашылған «Кәусар» оқушылар сарайының қызметімен танысып, Саран қаласында тұрмыстық және электр техникасын шығаратын Silk Road Electronics кәсіпорнына барды.
