Қостанай қаласында Ресейдің әскери-теңіз флоты күніне арналған бейресми іс-шара ұйымдастырылып, әлеуметтік желі қолданушылары арасында кең талқыға түсті, деп хабарлайды Todayinfo ақпараттық агенттігі.
Танымал экономист Меруерт Махмұтова Facebook парақшасында жергілікті билікке қатысты сын айтып, шараның өткізілуіне қарсылық білдірді.
«Қостанайда әлі күнге дейін КСРО-ның елесімен өмір сүріп жатқандай. Олар әскери-теңіз флоты күнін атап өтуде. Қай жерде отырғандарын ұмытқан ба? Бұл — шектен шығу», – деп жазды ол.
Ресми жауапқа сәйкес, іс-шара жергілікті әкімдікпен алдын ала келісілмеген және заңнама талаптары бұзылған.
«27 шілдеде Қостанай қаласының жағалауында “Қостанай облысының теңізшілері” қоғамдық бірлестігінің өкілдері Ресейдің әскери-теңіз флоты күніне арналған мәдени шара өткізген. Бұл шара қалалық әкімдікпен алдын ала келісілмеген және хабарланбаған. Ұйымдастырушылармен түсіндіру жұмыстары жүргізілді. Жауапты тұлға әкімшілік жауапкершілікке тартылады», — делінген әкімдіктің баспасөз хабарламасында.
Бұл оқиға желіде де қоғамдық пікірталас тудырды.
«Қостанадай қазақ жоқ па? Ол жақта теңіз жоқ қой. Әкім орнынан кетсін. Не сұмдық? Өз елімізде мұндай сорақылық болып жатыр екен», — деп жазды олар.
Айта кетейік, Ресейде әскери-теңіз флоты күні шілде айының соңғы жексенбісінде жыл сайын аталып өтеді. Алайда биылғы жылы бұл мерекеге арналған парад қауіпсіздік жағдайына байланысты толық өткізілмейтінін Кремльдің баспасөз хатшысы Дмитрий Песков мәлімдеген болатын.
Посмотреть эту публикацию в Instagram
