Республикалық және халықаралық деңгейдегі әнші-термешілер байқауларының жеңімпазы, танымал дәстүрлі әнші Наркенже Серікбаеваның видеосы желіде резонанс тудырды. Оның Түркістан қаласындағы Шәмші Қалдаяқов атындағы филармонияның басшылығы туралы айтқан мәлімдесінен кейін желіде аталған ұжым басшысы туралы басқалар да пікір білдірген, деп хабарлайды Todayinfo порталы Qaz365-ке сілтеме жасап.
Әншінің оқырмандары бұған дейін де филармония басшысынан озбырлық көргендерін жасырмады.
«Наркенже ханымның айтып отырғаны Ғ. Е. па? Ол кісі ХҚТУ –да (Қожа Ахмет Ясауи атындағы Халықаралық қазақ-түрік университеті) мұғалім болған. Маған да тиіскен», «Құқық пәнінен сабақ берген. Студенттерге тиісіп мені алдап кафесіне шақырған. Түркістанда «Скай» деген кафесі бар. Мені шақырып қырындап төсекке тартқан. Қорқып қашып кеткенмін. Бұл кісі өте нашар адам», «Қазір отбасылы адаммын. 2019 жылы болған жағдайлар, сондықтан араласқым келмейді», — деген секілді хаттар әншіге келіп түскен.
Айта кетейік, бұған дейін танымал әнші Наркенже Серікбаева Шәмші Қалдаяқов атындағы Түркістан облыстық филармониясында көргені қорлығы туралы айтқан еді.
