НАТО-ның жаңа бас хатшысы Марк Рютте Ресеймен сауда қатынасын жалғастырып отырған елдерге — Үндістан, Қытай және Бразилияға — АҚШ-тың екінші деңгейлі санкциялары қатты соққы беруі мүмкін екенін ескертті,деп хабарлайды Todayinfo.
Марк Рютте өз мәлімдемесінде аталған мемлекеттерге Ресеймен сауда-саттықты бейбіт келіссөзсіз жалғастыру оларды экономикалық қауіпке ұрындыратынын атап өтті.
«Бұл елдер Ресейге бейбіт келіссөздерге отыруға қысым жасамаса, салынатын санкциялар ең алдымен өздеріне зиян келтіреді», — деді ол.
Сонымен қатар Рютте Ресей президенті Владимир Путинге қоңырау шалып, бейбіт келіссөздердің маңыздылығын жеткізуге шақырды.
Bloomberg деректеріне сәйкес, АҚШ Сенатында Ресеймен сауда жүргізіп отырған елдерге бағытталған қатаң шараларды қамтитын жаңа заң жобасы әзірленіп жатыр. Бұл бастама екінші деңгейлі санкциялардың ауқымын кеңейтуі мүмкін.
Бұған дейін Марк Рютте Ресейге қатысты қосымша экономикалық қысым жасау қажеттігін айтып, Украинадағы қақтығыс 50 күн ішінде реттелмесе, жаңа кедендік баждар енгізілуі мүмкін екенін мәлімдеген болатын.
«Мен Путиннің орнында болсам, ойланар едім және келіссөз үстеліне отырар едім», — деген еді Рютте.
