Коллаж: Todayinfo.kz
Хит әндердің орындаушысы, әнші Мирас Жүгінісов Ақтөбедегі мешітте болған оқиғаға қатысты пікір білдіріп, басы дауға қалған ағасы үшін кешірім сұрады, деп хабарлайды Todayinfo.kz.
Өнер иесі жеке парақшасында жазба жариялады.
“Соңғы күндері ағамның айтқан пікірі қоғамда үлкен резонанс тудырып, кейбір жандардың көңіліне тиіп жатыр. Ол өз ойын білдірген жеке тұлға. Мен өз жолым, өз ұстанымым бар адаммын. Мен отбасымның әр мүшесін құрметтеймін, бірақ олардың жеке көзқарастары менің ойыммен әрдайым сәйкес келе бермейді. Сол үшін де кейбір кезде мәселелер туындайды. Оларды осылай айтып отырамын деп ойламадым. Не айтқым келгенін сіздер түсініп отырсыздар”, – деп бастады әңгімесін әнші.
Әнші әйел қауымын сыйлайтынын алға тартып, көпшіліктен кешірім сұрады.
“Менің шығармашылығым адамға құрмет жайлы. Нәзік жандыларға арналған әндерім де бар. Өйткені әйел адамның орны менің өмірімде ерекше. Бұл жағдайдан көңілі қалған барша жаннан кешірім сұраймын. Сіздердің сенімдеріңіз мен үшін өте маңызды”, – деп жазды Мирас.
