Сотталған Сәкен Мамаштың бұрынғы жары Карина Мамаш соттан кейін журналистерге сұхбат берді, деп хабарлайды Todayinfo.
Айтуынша, оның әпкесі мен анасы туралы тараған қауесеттің ешқайсысы шындыққа сәйкес келмейді.
«Менің әпкем мен анам біздің отбасымызды бұзды деді. Бұл-жалған. Ол тек өзінің туыстарының айтқанымен жүрді, соларды таңдады», — деді ол.
Карина Мамаш экс-күйеуінің арқасында шалқып өмір сүрді сөзге де түсінік берді.
«Менің үш қатарлы гауһар тасты әшекейлерім бар дегенді естідім. Бірақ менде үш гематома ғана бар», — деді әйел.
Еске салсақ, Қазақстанның Біріккен Араб Әмірліктеріндегі елшісінің кеңесшісі болған Сәкен Мамаш «азаптау» бабымен 6 жылға сотталды. Экс-жұбайы Карина Мамаш одан 10 жыл бойы азап көргенін айтқан.
