Танымал актриса, Айдарбековтар әулетінің келіні Жұлдыз Әбдікәрімова күйеуі мен қайын енесі туралы бар шындықты айтты, деп хабарлайды Todayinfo.kz ақпарат агенттігі.
Бұл туралы ол желідегі парақшасында мәлімдеді.
«Дөп түстіңіздер. Ондай жастан әлдеқайда асып кеттік. Оттан да, боқтан да, судан да, селден де, жоқтан да, бардан да бәрінен өткенге дым да қорқынышты емес», — деп жазды актриса.
Сондай-ақ, ол қалай босанғанын айтып берді.
38-аптасында ота жасалатын күнді белгілеп, бірақ дәрігерінен тағы уақыт сұраған. «Түн ұйқым қашып, уайымнан көз іле алмадым. Қайтадан УДЗ жасаттым. Таңғаларлық жағдай болды – баланың жағдайы дұрысталып, алдыңғы диагноздар расталмады. Дәрігерлер консилиум өткізіп, “толғақты күтеміз” деген шешім шығарды», – деп еске алды ол.
Актрисаның айтуынша, 39-аптаның таңында ерекше сезіммен оянған.
«Ертерек тұрып, самса пісірдім, үй жинадым, киім үтіктедім. Өзімді ерекше бір қуанышқа дайындап жүргендей болдым. “Әй, осы бүгін босанатын шығармын” деп дәрігеріме хабарластым. Содан перзентханаға жеттім», – дейді ол.
Жұлдыз Әбдукәрімова бұл тәжірибесі арқылы әйелдерге бір ғана ой айтқысы келетінін жеткізді.
«Қандай қиын диагноз қойылса да, ең бастысы – сенім мен ішкі түйсікті жоғалтпау. Ал дәрігерлердің қырағы бақылауы – ананың да, баланың да амандығының кепілі».
