Фото: depositphotos.com
Павлодар қаласындағы мектептердің бірінде мас күйіндегі күзетші 6-сынып оқушысына дене жарақатын салғаны анықталды. Қазіргі таңда полиция бұл оқиға бойынша тексеру жүргізуде, деп хабарлайды Тodayinfo ақпараттық порталы.
«19 ақпанда мектеп күзетшісі мас күйінде оқушының кеудесіне соққы берген. Жәбірленуші ауруханаға жүгінді. Сот-медициналық сараптама тағайындалды, оның нәтижелері бойынша іс жүргізу шешімі қабылданады», – деп хабарлады полиция өкілдері.
Күзетшіге қандай шара қолданылды?
- Оқиғадан кейін күзетші медициналық айықтырғышқа орналастырылды.
Қоғамдық орында мас күйінде жүргені үшін оған айыппұл салынды.
Мектеп басшылығын жауапкершілікке тарту мәселесі қаралуда – полиция білім басқармасына тиісті ұсыныс жолдады.
