Қырғызстанның бұрынғы президенті Алмазбек Атамбаевтың отбасын Кой-Таш ауылындағы үйінен күштеп шығарды. Бұл туралы Todayinfo.kz 24.kg сілтеме жасап хабарлайды.
Не болды?
Экс-президенттің балалары Алия Шагиева мен Кадырбек Атамбаев әлеуметтік желіде отбасының баспанасынан қуылғанын жазды. Олардың айтуынша:
-
милиция қызметкерлері барлық заттарды сыртқа шығарып, арнайы контейнерге тиеген;
-
отбасы жаңбыр астында тау болып үйілген заттарымен далада қалған.
«Барлығын барынша лас әрі қорлайтын етіп жасады», — деп мәлімдеді Алия Шагиева.
Отбасы сот істері әлі жалғасып жатқандықтан, мұндай әрекетті заңсыз деп есептейді. Қазір олар туыстарының үйіне уақытша орналасқан.
View this post on Instagram
Үйді штурмдау оқиғасы
13 қыркүйекте Атамбаевтың отбасы үйге бірнеше ондаған адам келгенін хабарлаған. Олардың бір бөлігі милиция формасында, ал кейбірі қарапайым киімде болған. Құжат көрсетпестен резиденцияны штурмдаған.
Сот шешімі бойынша Кой-Таштағы жер телімі мен үй мемлекетке қайтарылған. Билік бұл аумақта қарттар үйі мен 500 орындық жаңа балабақша салуды жоспарлап отыр.
Атамбаевтың жары Раиса Атамбаева қазіргі президент Садыр Жапаровқа үндеу жасап, үйді сақтап қалуға уәде бергенін еске салды.
Атамбаев ісі
Алмазбек Атамбаев:
-
11 жыл 3 айға бас бостандығынан айырылды,
-
мүлкі тәркіленді, мемлекеттік наградаларынан айырылды.
Ол:
-
ТЭЦ-ті жаңғырту кезіндегі заңсыз байыды,
-
2019 жылғы Кой-Таштағы тәртіпсіздіктерге,
-
жер телімдерін заңсыз алуға қатысы бар деп айыпталды.
Бес жылдан астам уақытқа созылған іс бойынша экс-депутаттар, бұрынғы қала әкімі, ІІМ экс-басшысы және басқа да тұлғалар әртүрлі мерзімдерге сотталды.
