Фото: Крыша
Үкімет отырысында премьер-министр Олжас Бектенов экология және табиғи ресурстар министрлігіне өткір сын айтты. Ол министрлік тарапынан полигондарды реттеу жұмысының баяу жүріп жатқанын атап өтті,деп хабарлайды Todayinfo ақпараттық агенттігі.
Министр Ерлан Нысанбаев үкімет басшысының тапсырмасы бойынша полигондарды утиль төлемі есебінен қаржыландыру қарастырылып жатқанын хабарлады. Алайда, бұл жауап премьер-министрді қанағаттандырмады.
«Жалпы осы бағытта жұмыс өте баяу жүріп жатыр. Ауыз толтырып айтатындай нәтиже жоқ. Министрлік әкімдіктердің жұмысын дұрыс үйлестіруі керек. Біз әлі күнге дейін бұл бағыттағы белсенді әрекетті көріп тұрған жоқпыз», – деп сынады Бектенов.
Премьер-министр министрліктің экологиялық проблемаларды шешу үшін нақты әрі жылдам шаралар қабылдауы қажет екенін ескертті.
