Фото: facebook.com/pg/bigroup.holding.
BI Group компаниясы ҚР Қаржы министрлігі жанындағы мемлекеттік кірістер комитетінің мәліметінше күмәнді деген сипаттамасы бар контрагенттермен өзара есеп айырысу барысында олардың салықтарын төледі, деп хабарлайды Todayinfo порталы.
Тексеріс барысында кейбір мердігерлер тарапынан салықтық заңнама бұзылған кейбір тұстар анықталды, соған байланысты BI Group түсінбеушіліктерді болдырмау және жұмыс процестерінің тұрақтылығын қамтамасыз ету мақсатында олардың қарыздарын төлемек болып шешім қабылдады.
BI Group ҚР Қаржы министрлігі жанындағы мемлекеттік кірістер комитетімен бірлесіп, арнайы салықтық режимді қолданатын мердігер компанияларға қатысты деректерді тексеру жұмыстарын жалғастырады.
Компания заңды қатаң ұстанады, салықтық тәртіпке бағынады, және осы саладағы әділ және ашық бәсекелестікті қамтамасыз етуге арналған мемлекеттік бастамаларды қолдайды. Үкімет пен Қаржы министрлігі өкілдерімен кездесу барысында BI Group құрылыс саласында қаржы мәселелері бойынша ашықтықты ұлғайтуға бағытталған іс-шаралар ұсынды.
Мемлекеттің алдында тұрған сенімді және қауіпсіз құрылыс нарығын қамтамасыз ету бойынша тапсырмаларды ескере отырып отырып, BI Group қаржылық ағындарды толық бақылауға алып, «көлеңкелі» схемаларды жоюға арналған цифрлық шешімдерді әзірлеуді ұсынды. Ұсынылған шаралар қатарында:
- Салық міндеттемелерін әр тапсырылған шаршы метр құрылыс-монтаж жұмыстарының көлеміне сәйкестендіру;
- Жылжымайтын мүлік мәмілелерін бірыңғай цифрлық реестр арқылы тіркеу, бұл ҚР-дағы активтер мен кірістерді декларациялау жүйесіне сәйкес келеді;
- Қазреестр жүйесін банктер және E-Gov жүйесімен интеграциялау арқылы сатып алу-сату шарттарын онлайн тіркеуді енгізу;
- Жылжымайтын мүлікті сатып алу кезінде қолма-қол төлемдерден толықтай бас тарту.
BI Group ірі құрылыс компанияларымен бірлесіп, цифрландыру бойынша жұмыстардың басым бөлігін әзірлеп, қаржыландыруға дайын. Мақсат – салықтық түсімдердің тұрақтылығын қамтамасыз ететін ашық және қауіпсіз нарық құру.
«Мемлекет пен қоғам алдындағы ашықтық – сенімді бизнестің негізі. Құрылыс нарығын цифровизациялау және цифрлы түрде реттеу толыққанды ашық болуға көмектеседі, бұл клиенттер мен серіктестердің сенімін арттырады, оған қоса жалпы саланың дамуына әсер етеді, ал болашақта адал бизнес жүргізетін құрылыс компанияларының беделіне нұқсан келтірмейді», — деді . BI Group компаниясының басқарма төрағасы Айдын Рахимбаев.
BI Group соңғы бес жылда 200 млрд теңге салық төлеген, ал алдағы таяу үш жылда 250 млрд теңгеден кем түспейтін соманы аудармақшы. 2024 жылы холдингтің құрамдас бөліктерінің бірі BI Development Ltd. компаниясы Fitch Ratings халықаралық агенттігінің BB несие рейтингін иеленді. Осылайша ашықтық пен корпоративті басқарудың жоғарғы деңгейін көрсетті. Холдингтің барлық құрылымдық бөлімдері 2015 жылдан бері E&Y және KPMG компанияларының жыл сайынғы біріктірілген есептік аудитінен өтеді.
