Президент Қасым-Жомарт Тоқаев теннисші Елена Рыбакинаны Эр-Риядта өткен WTA қорытынды турниріндегі жеңісімен құттықтады, деп хабарлайды Todayinfo Ақордаға сілтеме жасап.
«Сіз жылды қорытындылайтын беделді жарыста жоғары деңгейдегі шеберлік пен қайсар мінездің үлгісін көрсетіп, жеңіс тұғырынан көріндіңіз.
Қазақстандық және әлемдік теннис тарихындағы бұл айтулы жетістігіңізбен шын жүректен құттықтаймын.
Сіздің осы жеңісіңізді, елімізде теннистің дамуына қосқан үлесіңізді және спортты дәріптеудегі еңбегіңізді бағалай отырып, ІІІ дәрежелі “Барыс” орденімен марапаттау туралы жарлыққа қол қойдым.
Сізге зор денсаулық, сәттілік және Қазақстанның намысын асқақтататын жаңа жеңістер тілеймін», – делінген Президент құттықтауында.
Айта кету керек, бұған дейін Елена Рыбакина финалда Беларусь елінің өкілі, әлемнің бірінші ракеткасы Арина Соболенконы жеңген.
Фото: Теннис федерациясы
