Танымал продюсер, әнші Қайрат Нұртастың анасы Гүлзира Айдарбекова ұлының атынан әлеуметтік желіде алаяқтар ақша жинап жатқанын мәлімдеді. Бұл туралы ол өзінің Instagram парақшасында жазды,деп хабарлайды Todayinfo.
«Қайраттың парақшасындағы көмекшісінің нөміріне 500 мыңнан тоқтамай ақша түсіп, қайтарып үлгермей жатыр. Алаяқтар ойын ойнатып, ақша салдырып, елдер нөмірмен шатасып жатқан сияқты.
Өзіміздің нағыз парақшадан көрмей, алданып ақша салмаңыздаршы. Қайрат елден ақша жинатпайды, сақ болыңыздар!» — деп ескертті Айдарбекова.
Желідегі жалған парақшалар көбейіп барады
Соңғы уақытта танымал адамдардың аты-жөнімен ашылған фейк парақшалар арқылы жұртты алдап, ақша жинау әрекеттері жиілеген. Бұл жағдай — соның айқын дәлелі.
Мамандар азаматтарды әлеуметтік желілердегі ақпаратқа мұқият қарап, тек ресми парақшалардан алынған деректерге сенуге шақырады.
