Фото: Қайрат ФК
“Хан Тәңірі” футбол клубының 19 жастағы шабуылшысы Диас Төлеу көз жұмды, деп хабарлайды Todayinfo.kz ақпарат агенттігі.
Жас футболшының өлімі туралы Қазақстан футбол федерациясы хабарлады.
“Қазақстан футбол федерациясы “Хан-Тәңірі” клубының шабуылшысы Диас Төлеудің мезгілсіз қаза болғаны туралы хабарды терең қайғымен қабылдады. Жастығына қарамастан, Диас футболға деген құштыралығы мен ерекше талантымен көзге түсіп үлгерген еді”, – делінген ҚФФ мәлімдемесінде.
Футболшы “Хан Тәңірі” – “Екібастұз” клубтары арасындағы ойын кезінде есінен танып, көз жұмды. Қайғылы жағдай Бірінші лиганың кезекті турында орын алған.
Айта кетейік, Диас Төлеу Алматының “Қайрат” клубының тәрбиленушісі болып, осы маусымда “Хан Тәңірі” клубының сапында өнер көрсеткен. Ол команда атынан 25 матчқа шығып, үш гол соққан.
