Алматы әкімінің бұрынғы орынбасары Ержан Бабақұмаровты Жетісу жұрты ақтық сапарға шығарып салды, деп хабарлайды Todayinfo.
Марқұм туған жері Талдықорғанда жерленді. Қоштасу рәсіміне әріптестері, достары, жақындары жиналған.
Еске салайық, Ержан Бабақұмаров Астанада кісі қолынан қаза тапты. Полиция адам өлтіру фактісі бойынша қылмыстық іс қозғады.
Алдын ала мәлімет бойынша, оны өзінің танысы жанжал кезінде өлтіріп қойған. Қазір күдікті ұсталып, уақытша ұстау изоляторына қамалған. Сотқа дейінгі тергеу жүріп жатыр.
Ержан Бабақұмаров 2019-2022 жылдары Алматы қаласы әкімінің орынбасары қызметін атқарған. Оған дейін Премьер-министр кеңсесі басшысының орынбасары, ҚР президентінің кеңесшісі болған.
Фото: премьер-министрдің баспасөз қызметі
