Қарағанды тұрғыны үй салу үшін көршісіне жер учаскесі заңсыз беріліп кетті деген талап арызбен сотқа жүгінген.
Даулы жер учаскесі жер заңнамасын бұза отырып берілген. Сондықтан іске жер ресурстарын басқару департаменті тартылған. Заң расында да, бұзылғаны анықталған.
Қаулыда тұрғынның құқықтары мен заңды мүдделері бұзылғаны белгілі болды, өйткені бұл жер учаскесінде оның инженерлік коммуникациялары бар, сонымен қатар үйден жол көшесіне шығу жолы да қоршалған. Сот даулы жер учаскесін беру кезінде әкімдік жер заңнамасының талаптарын бұзғанын анықтады.
Әкімдіктің қаулысымен талапкердің көршісінен жер учаскесі мемлекет меншігіне алынды, оның орнына даулы жер учаскесіне жекеменшік құқығы берілді.
Даулы жер учаскесі талапкердің жер учаскесінің алдында орналасқан, осылайша жолға шығуға кедергі келтірген.
Сондай-ақ, осы учаскеде оның коммуникациялары бар.
Сонымен қатар, қаланың сәулет және қала құрылысы бөлімі талапкерге жеке тұрғын үйді жобалау мен салуға сәулет-жоспарлау тапсырмасын бекітті. Эскиздік жоба келісілді, ол бойынша соңғысына жоғарыда көрсетілген көше арқылы жолға шығады.
«Осылайша, даулы қаулы әкімшілік органның кейінгі әрекеттеріне сәйкес келмейді, талапкерді өзіне тиесілі жер учаскесі мен құрылысына бар жол жүруден айырады», – делінген сот хабарламасында.
Мұндай жағдайда сот қарағандылықтың құқықтары бар деген қорытындыға келді, ал Қарағанды әкімдігінің қаулысы заңсыз және жойылуы тиіс деп танылды.
Сот шешімі заңды күшіне енді.
