Астанада өткен Баян Мақсатқызының «Queen» шоуынан кейін көрермендердің бірі Қарақат Әбілдинаға ренішін білдірді. Ол әншімен суретке түскісі келгенімен, Қарақат өзін тәкаппар ұстап, жұртты менсінбеді деп шағымданды,деп хабарлайды Todayinfo порталы.
«Қарақатпен суретке түскім келді, бірақ сондай өзінше екен. Күйеуі Қыдырәлі де түскісі келмей, әзер келісті. Жанына жақындап фотоға түсетіндерге көз алартып тұрды», – деп жазды желі қолданушысы.
Бұл пікірді қолдағандар көп болды. Бірі әншінің өзімен де дәл осындай оқиға болғанын айтса, енді бірі «Олай болса, суретке түспей-ақ қойсын, тәкаппарлығы жүрегімізді ауыртты,» деп ашуланды.
Ал Динара Сәтжан мен Тұрсынбек Қабатовтың жұбайы, керісінше, барша жанкүйермен суретке түсіп, жылы шырай танытты.
