Әнші Сәкен Майғазиев жол апатына түсті. Бұл туралы өнер иесінің өзі хабарлаған, деп жазады Todayinfo.
«Кеше жол апаты болғаны рас. Сарыағашқа бара жатқан кезде жоғары жылдамдықпен келе жатып бір көлікке соқтығыстық. Екі автокөлік те трассадан шығып кетті. Ең бастысы дін аманбыз, ешкім зардап шеккен жоқ. Соған шүкіршілік етіп тарқастық»,- деді ол.
Ол әлеуметтік желіге болған оқиға туралы жариялаған кезде елді дүрліктірейін деген ойы болмағанын айтты.
«Желіге тек жол жүрген жолаушылар сақ болыңыздаршы деген ниетпен салып едім. Көпшілік тілектес екендерін білдіріп, хабарласып жатыр. Аман болыңыздар», — деді ол.
Еске салсақ, «Мұзарт» тобының әншісі елде бірінші болып ұлының тойын ақылы түрде онлайн көрсеткен еді. Содан кейін түрлі сынға қалған болатын.
Фото:@saken_maigaziyev
