Қазақ эстрадасының әншісі Жұбаныш Жексен ұлының отбасы туралы YouTube- тегі «Сыр» бағдарламасында айтты, деп хабарлайды Todayinfo.
Ол шетелдік келін алуға алғашында қарсы болған екен.
«Менің үлкен келінім итальянка. Ұлым гитарист, шетелде оқыды, келінім де музыкант. Балам үйленем дегенде 5-6 жыл қарсы болып жүрдік. «Қазақтан табылмады ма» деген әңгімелер айттық. Бірақ кейін ұлыммен дұрыстап сөйлескенде шын ұнатып қалғанын түсіндірді. Жүрекке әмір жүрмейді ғой. Таңдауы солай болса, біз қалай келіспейміз? Өмір бойы сүйгеніне қосыла алмай, басқамен бас қосып, соның зардабын шегіп жүргенін қандай ата-ана тілейді, өз баласына?», — деді әнші.
Осылайша ол ұлының басқа ұлттың қызымен бас қосуына рұхсат берген.
Жұбаныш Жексен отбасы туралы көп айта бермеуді жөн көретінін атап өтті.
«Халыққа менің әнім, шығармашылығым қызық. Отбасы мүшелерін жеке-жеке тану шарт емес деп ойлаймын. Өміріме біреудің қол сұғып, қарағанын қаламаймын»,- деді ол.
Әнші әлеуметтік желіде тым белсенділік танытып, күнделікті өміріндегі оқиғалардың бәрін елге паш ететіндерге сын көзбен қарайтынын жеткізді.
Фото: скрин
