Фото: Ақорда
Кездесу бір сағаттан астам уақытқа созылды. Осы уақыт ішінде тараптар екіжақты ынтымақтастықтың өзекті мәселелерін талқылап, Сирия, Ауғанстан және Украинадағы халықаралық жағдайға қатысты пікір алмасты, деп хабарлайды Тodayinfo ақпараттық порталы.
«Владимир Владимирович Путинге сәлемдесу сөздерінкөпшілік алдында жеткізу өте маңызды деп санаймын. Біз 9 мамырда Мәскеуге сапарым аясында, Жеңістің 80 жылдығына орай қосымша кездесулер өткіземіз», – деп Тоқаев ресейлік қонақты қарсы алды.
Өз кезегінде, Сергей Шойгу Тоқаевқа Ресей Президентінің сәлемі мен ізгі тілектерін жеткізді.
«Біздің бауырлас халықтарымыз арасындағы қарым-қатынастар тек бізге ғана емес, бүкіл әлемге көрініп тұр. Екі ел арасындағы тауар айналымының көлемі мен бірлескен жобалар саны артуда. Қазақстандағы ресейлік инвестицияларға тоқталсақ, мұнда 23 мыңға жуық ресейлік кәсіпорын бар. Бұл үлкен көрсеткіш», – деді Шойгу.
