Батыс Қазақстан облысының әкімдігі оншақты елді мекеннің тұрғындарына ескерту жасап, қауіпті аймақтан шұғыл көшу керек екендіктерін ескертті, деп хабарлайды Todayinfo ақпараттық агенттігі.
Әкімдік қала тұрғындары мен қонақтарын қауіпті аймақтан шұғыл кетуді өтінді. Ескерту Жайық өзенінің жайылмасында орналасқан саяжайлар мен бау-бақша серіктестіктерінің тұрғындарына тікелей қатысты.
«Су басу қаупі төнді. Қазіргі уақытта Жайық өзеніндегі су деңгейі 728 см құрап, шекті деңгейіне жақындап қалды, сондай-ақ су әлі де келуде.Әсіресе, Ет комбинатының аумағындағы: Венера, Речник, Желаев ауданы — Арматурщик, Учужный затон ауданы, Зачаганск кенті (Бор тау аумағы), Стеновик және 1, 2, 3 — ші саяжай қауымдастықтары орналасқан аумақтар! Аталған аудандарда электрмен және газбен жабдықтау өшірілді! Шұғыл түрде үйден кетуіңізді талап етеміз!”, — деді БҚО әкімдігінің баспасөз қызметі.
Келесі мекенжайлар бойынша ең жақын дайындалған уақытша орналастыру пункттері:
1. “Жекпе-жек” спорт кешені, Мөңкеұлы көшесі, 114,
2. Жоғары спорт шеберлігі мектебі, спорт залы, Айтиев көшесі, 72
«Жеке құжаттарыңызды, ақшаларыңыз бен бағалы заттарды, өзіңізге қажет дәрі-дәрмектерді алу қажет! Терезелер мен есіктерді мұқият жабыңыз! Үй жануарларын қалдырмаңыз! Біз сізге үйден кетуге және жақын жердегі уақытша орналастыру пунктіне баруға кеңес береміз», — делінген хабарламада.
Облысы әкімі Нариман Төреғалиев вице-премьер Қанат Бозымбаевпен бірге Батыс Қазақстан облысының су тасқынының белсенді кезеңіне дайындығын тексерді.
Вице-премьер, Су тасқынына қарсы іс-шараларды үйлестіру және су тасқынының салдарын жою жөніндегі республикалық штаб меңгерушісінің орынбасары Қанат Бозымбаев Орал мен Жайық өзенінің арнасының РФ шекарасына дейінгі аралығын облыс әкімімен бірге тікұшақпен қарап шықты.
13 сәуірде Жайық өзеніндегі Орал гидрологиялық бекетінде су деңгейі 743 см-ге дейін көтерілді, қауіпті деңгей 850 см құрады. Облыстың ішкі өзендерінің көпшілігінде су тасқыны шарықтау шегіне жетті.
17 сәуірде Январцево ауылының су қоймасы арқылы Ресей Федерациясынан келетін судың салдарынан Жайық өзенінде су тасқынның шарықтау шегі басталады деп күтіледі. 20-21 сәуірде Оралға су келеді деп болжануда. Осыған байланысты, Қанат Бозымбаев су тасқынына дайындалу үшін БҚО-ға қосымша 750 бірлік техника тартуды тапсырды, оның 100-і Жайық өзенінің жоғары ағысы бойынша елді мекендер үшін, 500-і Орал үшін және 150-і өзеннің төмен ағысы үшін. Бұдан басқа, елді мекендердің айналасындағы бөгеттер мен бөгет құрылыстарын нығайтуды тапсырырлды.
«Қазір құтқару жұмыстарына 6533 адам жұмылдырылды. 915 бірлік техника, 21 су айдау құралы, 32 жүзу құралы, 5 әуе кемесі тартылды», — делінген хабарламада.
Өзен суы жайылған жерге орналасқан және су басу қаупі Январцево, Жарсуат ауылдары, Бөрлі ауданындағы қорғаныс құрылыстары мен бөгеттер салу жұмыстары жүргізіліп жатыр.
Вице-премьер мен облыс әкімі штаб отырыстарын өткізді, ЦДИАӨМ, Қазгидромет, Су ресурстары және ирригация министрлігі, ТЖМ мамандарының және тәуелсіз сарапшылардың есептері мен болжамдарын тыңдады.
