Фото: AP Photo / Ebrahim Noroozi
Тегерандағы Жоғарғы сот ғимаратында болған атыс салдарынан екі адам қаза тапты, бір судья жарақат алды, деп хабарлайды Тodayinfo ақпараттық порталы.
Оқиғаны билік теракт деп бағалады.
Алдын ала ақпарат бойынша, шабуылдаушы сот ғимаратында қаралып жатқан істерге қатысы жоқ адам болған. Ол атыс жасаған соң, өзіне қол салған.
Қаза тапқандардың қатарында екі белгілі судья бар.
Мохаммад Могисе – ұлттық қауіпсіздік, тыңшылық және терроризмге қатысты істерді қараумен танымал. Ол саяси тұтқындардың істерін жүргізгені үшін халықаралық қауымдастық тарапынан сынға алынған, сондай-ақ АҚШ пен Еуроодақтың санкция тізіміне енген.
Әли Разини – 1998 жылы оған қастандық жасалған, бірақ аман қалған. Ол кезде Разини Тегеранның бас судьясы қызметін атқарған.
Шабуылдың себептері мен мән-жайын анықтау үшін тергеу жұмыстары жалғасуда.
Ирандағы бұл шабуыл адам құқығы, сот әділдігі және ұлттық қауіпсіздік мәселелері бойынша жаһандық назар аудартып отыр.