Фото: instagram.com/aslan.kazhenov
Бүгін Ливерпульде бокстан өткен әлем чемпионаты өз мәресіне жетті. Қазақ боксшылары командалық есепте 1-орынға табан тіреді. Десе де боксшы қызымыз Назым Қызайбай үнді боксшысына жол беріп, күміс медальді қанағат тұтты, деп хабарлайды Todayinfo.kz ақпарат агенттігі.
Белгілі спорт журналисі Аслан Қаженов қазақ қызының аяғына тұсау болған төрешінің түсін-түстеп, кім екенін жариялады.
«Назым Қызайбайды ұтып тұрған жерінен барлық раундта тоғыз баллдан қойып, алтын жүлдесінен айырған түрік төреші осы. Аты-жөні — Davut Kanuni. Артынша Айбек Оралбайға да барлық раундқа тоғыз балл қойды. Инста аккаунты жоқ екен. Десе де осылай суретін салып қояйын. Білсін, қазақ елі бұндай қастандықты ұмытпайтынын. Түбі кездесеміз! Бетіне басамыз!», — деп жазды ол.
