Алматылық «Қайрат» пен Қазақстан жасөспірімдер құрамасының шабуылшысы Дастан Сәтбаев «Челсиде» мансабын жалғастырады, деп хабарлайды Todayinfo.
Лондондық «Челси» Дастан Сәтбаев бойынша түпкілікті шешім қабылдаған.
Алматы және Лондон клубтары арасында трансфер рәсімделген.
Ауысу келесі аптада жүзеге асырылмақ. Трансфердің егжей-тегжейі әлі белгісіз, себебі Дастан әлі 18 жасқа толмаған.
Естеріңізге сала кетейік, U-19 Қазақстан құрамасының шабуылшысы Дастан Сәтбаев желтоқсан айында Лондонның «Челси» командасына қаралымнан өтуге аттанған болатын.
Дастан Сәтпаев QJ League турнирінің ең үздік ойыншысы атанып, кәсіби деңгейде «Қайрат» негізгі құрамында дебют жасады. Ол 2008 жылы дүниеге келген.
