Қазақстанда қазақ тілін білмейтін немесе сөйлегісі келмейтін азаматтарға айыппұл салу туралы бастама көтерілді. Бұл туралы әлеуметтік желі қолданушысы Жомарт Әуесханұлы: «Қазақ тілінде сөйлемейтіндер 39 320 теңге айыппұл төлесін. Егер талапты екінші рет бұзса, 78 640 теңге айыппұл салынсын», – деп жазды, деп хабарлайды Todayinfo.kz.
Фото: Todayinfo.kz
Желі қолданушылары бұл ұсынысты түрліше қабылдап, қызу пікірталасқа түсті. Кейбірі «қазақ тілін дамыту үшін нақты шаралар қажет» десе, енді бірі «қоғамның өзі тілге деген сұранысты арттырмаса, мұндай қатаң шара тиімсіз» деген пікір білдіруде.
Алайда бұл бастаманың заңдық тұрғыда жүзеге асу мүмкіндігі қандай екені белгісіз. Әзірге ресми органдардан ешқандай мәлімдеме жасалған жоқ.
Ескерту: Мақалада айтылған ақпарат ашық дереккөздерге, атап айтқанда әлеуметтік желілер мәліметіне негізделген. Кез келген заңнамаға енгізілер өзгерістер мен толықтырулар ресми түрде құзырлы органдар тарапынан мақұлданған жағдайда ғана күшіне енеді.
