Қазақстанның мемлекеттік «Тау-Кен Самұрық» компаниясы мен америкалық Cove Capital Қостанай облысындағы Ақбұлақ учаскесінде сирек кездесетін металдарды геологиялық барлауға кіріседі. Бұл кен орнындағы жалпы қор 349 мың тонна деп бағалануда. Жоба бірлескен кәсіпорын форматында жүзеге асады, оның 75%-ы америкалық инвесторларға тиесілі.
Cove Capital бұған қоса Қазақстандағы Солтүстік Қатпар мен Жоғарғы Қайрақты кен орындарын игеруді жоспарлап отыр. Бұл кеніштер әлемдегі ең ірі вольфрам қорларының қатарына кіреді — жалпы көлемі 410 мың тоннадан асады.
Жобаларға салынатын инвестиция көлемі — 1,1 миллиард доллар.
