Қазгидромет 19–21 тамызға арналған ауа райы болжамын жариялады.
Қатты жаңбыр
Солтүстік-батыстан келе жатқан циклон ел аумағында ауа райын қалыптастырады. Оның әсерінен күн бұлтты болып, кей жерлерде найзағайлы жаңбыр жауады. Күндіз бұршақ жаууы және екпінді жел соғуы ықтимал.
-
19 тамызда қатты жаңбыр батыс пен шығыста;
-
20–21 тамызда — солтүстік-батыста;
-
21 тамызда — елдің солтүстігінде күтіледі.
Ал оңтүстік өңірлерде антициклон әсерінен негізінен құрғақ әрі ашық ауа райы сақталады. Республика бойынша жел күшейіп, түнде және таңертең тұман түседі.
Температуралық жағдай
-
Солтүстікте түнде +10…+17°С, күндіз +17…+25°С;
-
Шығыста түнде +5…+15°С, күндіз +22…+29°С.
Қалған аймақтарда ауа температурасы айтарлықтай өзгермейді.
Тамыз айына жалпы болжам
Синоптиктердің айтуынша, тамыз айында Қазақстанда ауа райы контрастылы болады:
-
бір аймақтарда ыстық әрі жауын-шашынсыз,
-
басқа өңірлерде жаңбыр мен температуралық ауытқулар күтіледі.
Айдың алғашқы онкүндігінде солтүстік пен шығыста жылы ауа райы орнайды, ал оңтүстік пен батыста керісінше салқындау байқалады. Кейін күн райы құбылмалы болады: ыстық күндерді салқын әрі жауынды күндер алмастырады. Сондай-ақ найзағай, бұршақ және шаңды дауылдар болуы мүмкін.
