Фото: коллаж Todayinfo.kz
Моңғолиядағы моңғол халқының (дөрбет) өкілі Булдан (шын аты — Жамбажав -ред) қазақтардың қазақша сөйлей алмайтынын айтып, ойын білдірді, деп хабарлайды Todayinfo.kz ақпарат агенттігі.
Булданның достарының айтуынша, ол қазақша мақал-мәтелдерді қазақтардан артық білмесе кем білмейді. Қазақ тілінде де сайрап тұр. Көпшілігі Булданды бір көргенде қазақ деп ойлап қалатыны тағы бар.
«Моңғолиядағы моңғол, Тыва, дөрбет халықтары да қазақша сөйлейді. Тұтас қазақ болып жатыр олар да. Оның барлығы ортаға байланысты екенінайта кеткен жөн. Қазақстанның өзінде қазақ жоқ екен. Былтыр мені Астана, Алматыдағы жолдастарым шақырып, қыдырып барған едім. Әуежайда қазақша қойған сұрағыма жауап таба алмай қиналдым. Ақыр соңында ашуланып, кім қазақша сөйлейді мына жерде дедім. Содан бір қарындас қазақша түсінеді екен, жауап беріп, жол көрсетіп жібердім. Мен Моңғолиядағы қазақпын дедім», — деді ол күліп.
Айта кетейік, Баян Өлгийдегі өзге ұлт өкілдерінің басым көпшілігі қазақ тілінде сөйлейді. Өйткені өңірде халықтардың басым бөлігі қазақ ұлтынан болған соң, өзгелердің үйреніп алуы жылдам.
