Белгілі қазақстандық өнерпаз Димаш Құдайберген Қытайдың ең ірі медиахолдингтерінің бірі Hunan TV және оның бас директоры Цай Хуайцзюньмен жаңа музыкалық реалити-шоу өндірісін іске қосу жөнінде келісімге қол қойды. Жоба аясында ол бас продюсер ретінде жұмыс істейді, деп хабарлайды Todayinfo.kz
Жаңа шоу әр елден келген вокалистерді біріктіріп, төрт өңірде түсіріледі. Мақсат – Қазақстанның табиғаты мен мәдени байлығын әлемге таныту.
«Бұл жоба әлем бойынша көрсетіліп, миллиондаған көрерменге жаңа дауыстар мен Қазақстанның бай мәдениетін паш ететін болады», – деді ол.
Шамамен он жыл бұрын әртістің Hunan TV-мен шығармашылық байланысы «I Am Singer» жобасынан басталған еді. Енді ол жаңа рөлде – халықаралық шоу авторы және продюсері ретінде оралып отыр.
Бұл жоба Қазақстан мен Қытай арасындағы мәдени ынтымақтастықтың жаңа кезеңін бастап, музыка арқылы әлем елдерін жақындастыруды көздейді.
Фото: dimashnews
