Фото: вДудь/скрин видео в youtube
Танымал комиктер Евгений Чебатков пен Павел Дедищев АҚШ-та жол-көлік оқиғасына түсті, деп хабарлайды Todayinfo ақпарат агенттігі.
Оқиға Нью-Мексико штатында түнгі уақытта орын алған. «Kia Carnival» көлігімен келе жатқан әртістер жолдағы бөгде затқа соқтығысып, артынша бірнеше көлік «домино эффектісі» бойынша апатқа ұшырады. Жол-көлік оқиғасы орнына полиция мен жол қызметкерлері келіп, кейіннен әртістердің көлігін эвакуациялады.
Евгений Чебатковтың айтуынша, апаттың салдары ауыр болуы мүмкін еді, бірақ көліктің үлкендігі оларды құтқарып қалған. Оның сөзінше, олардың көлігінің дөңгелектері қатты зақымданған, алайда басқа көліктердің зақымдануы одан да ауыр.
Чебатков пен Дедищев АҚШ-та бірлескен саяхатқа шыққан, бұған дейін олар 11 штаттан өткендерін мәлімдеген еді.