Алматыда «Елге көмек» қайырымдылық қорының басшысы Ілияс Сариевке қатысты сот процесі жүріп жатыр, деп хабарлайды todayinfo.kz
Алматы қалалық соты сот отырысы басталғанын мәлімдеді.
“Аталған қылмыстық іс Алмалы аудандық сотына 11 шілдеде келіп түсті. Сот отырысы Қылмыстық іс жүргізу кодексінің 29-бабының талаптары бойынша ашық режимде өтіп жатыр”, – деді сот.
Айта кетейік, «Елге көмек” қоры балалар мен қарттарға арнап ақша жинады. Сариев өзін «қазақтың Робин Гуді» деп атаған. Әлеуметтік желідегі парақшаларынан оның музыкант, концерттер мен тойларды ұйымдастырушы екенін көруге болады.
Фото: видео скриншот
