Қазақстандықтар «Қазпошта» атынан келген жалған SMS-хабарламалар ала бастаған . Онда сәлемдеменің мекенжайы дұрыс көрсетілмегені себепті заттың жеткізілмейтіні айтылып, пайдаланушыға белгісіз сайтқа өту ұсынылады. Осыған байланысты «Қазпошта» ескерту жасады, деп хабарлайды Todayinfo.
«Қазпошта» АҚ бұл хабарламалардың алаяқтардан келгенін ресми түрде ескертті. Компания өкілдерінің айтуынша, мекенжайды нақтылау үшін ешқашан сыртқы сілтемелер арқылы ақпарат талап етілмейді.
«Азаматтардан мұндай хабарламаларға сенбеулерін және сілтемелерге өтпеулерін сұраймыз. Егер қандай да бір күмән туындаса, біздің ресми байланыс орталығымызға хабарласыңыздар», – делінген компания хабарламасында.
Еске салайық, кез келген күмәнді жағдайларда немесе қосымша ақпарат алу үшін 1499 нөмірі арқылы «Қазпоштаның» байланыс орталығына жүгінуге болады.
Фото: gov.kz
