Фото: Өзбекстан, Энергетика министрлігі
Самарқандта электр және газбен жабдықтаушы компаниялардың жеті қызметкері сыбайлас жемқорлыққа қатысы бар деген күдікпен тікелей жиналыс кезінде ұсталды, деп хабарлайды Тodayinfo ақпараттық порталы Өзбекстанның Энергетика министрлігіне сілтеме жасап.
14 ақпанда өткен жиынға Бас прокурордың орынбасары Шохрух Әминов жетекшілік еткен. Кездесу барысында қатысушылар сыбайлас жемқорлық схемаларын талқылап жатқанда, жеті қызметкерге қылмыс жасады деген күдік тағылып, олардың қолына кісен салынды.
Күдіктілерді әріптестерінің көзінше кабинеттен күшпен алып кеткен. Сот оларды қамауға алу туралы шешім шығарды.
