Қостанайда 9 наурыз күні Амангелді көшесіндегі көпқабатты үйлердің бірінде пышақ ұстаған ер адам екі әйелге шабуыл жасап, оның бірі көз жұмды, деп хабарлайды Todayinfo.
Полицияның мәліметінше, күдікті шабуыл жасағанға дейін алкогольдік ішімдік ішкен. 53 жастағы ер адам кенеттен қолына пышақ алып, екі әйелге шабуыл жасаған. Нәтижесінде, олардың бірі оқиға орнында көз жұмса, екіншісі ауыр жарақат алып, жансақтау бөліміне жеткізілді.
Күдікті жедел уәкілдер тарапынан ұсталып, қазіргі уақытта уақытша ұстау изоляторына қамалды.
Адам өлтіру және өлтіруге оқталу фактісі бойынша қылмыстық іс қозғалды. Тергеушілер оқиғаның барлық мән-жайын анықтауға кірісті.
Сонымен қатар, полиция мессенджерлерде тараған «төрт қызды өлтірді» деген қауесеттерді жоққа шығарды.
«Бұл ақпарат шындыққа жанаспайды», – деп мәлімдеді полиция департаментінің баспасөз қызметі.
