Елдегі ең арзан пәтерлерлер Түркістан облысында. 6-7 миллион теңгеге облыс орталығынан 1 бөлмелі пәтерлерді алуға болады. Ал үш бөлмелі пәтерлердің құны 15 миллион теңгенің айналасында. Қазіргі сәтте облыста құрылыс жұмыстары қарқынды жүріп жатыр.
Қала әкімдігі республиканың өзге өңірлерінен келген БАҚ өкілдерін құрлыс нысандарымен таныстырды. Түркістан қаласы әкімінің орынбасары Байдулла Оразбектің айтуынша, салынып жатқан үйлердің құрлысы тамыз айында аяқталады. Қала қонақтары алдымен Отырар мөлтек ауданындағы 5 қабатты 20 үйдің құрылыс алаңына барды. 800 пәтерлі 5 қабатты 20 тұрғын үй (56,4 мың ш.м.) құрылысы облигация есебінен (кредиттік тұрғын үй) басталды. Пәтерлерді нарық бағасынан төмен, яғни шаршы метрі 220 мың теңгеден несиеге ұсыну жоспарланған.
«Мен қаланың құрлысына жауап беремін. Түркістан облысТүркістан орталығы болғалы құрлыс саласы қарқынды жүріп жатыр. Қаламызда 397 көпқабатты үй болатын болса, оның 149-ы соңғы жылдары пайдалануға берілген. Қазіргі таңда 32 үйдің құрлысы жүріп жатыр. Бұл бюджет есебінен салынуда. Біз көріп тұрған нысанда 20 үй салынып жатыр. Әрқайсысында 40 пәтерден бар. Жалпы саны – 800 пәтер. Әрбір үйдегі 40 пәтердің 20-сы үш бөлмеден. Олардың әрқайсысының көлемі -80-85 шаршы метр. Қалған 20 пәтердің жартысы екі бөлме, жартысы бір бөлмеден», — дейді Байдулла Оразбек.
