Фото: Туризм және спорт министрлігі
Этникалық қазақ қызы Ақнар Адаққызы Қытай құрамасының сапында Харбиндегі Азия ойындарында алтын медаль иеленді, , деп хабарлайды Тodayinfo ақпараттық порталы.
Ол конькимен жүгіру спортындағы әйелдер арасындағы командалық жарыстың финалында Қытай командасының мүшелері Хань Мэй және Ян Биньюймен бірге қарсыластарын басып озып, жеңімпаз атанды.
Ақнар Ардаққызы 1999 жылы 1 маусымда Қытайдың Шыңжаң-Ұйғыр автономиялық ауданы, Хутуби ауданына қарасты Шытызы ауылында дүниеге келген.
Спортшы бұған дейін де Қытай атынан халықаралық жарыстарға қатысқан. Оның жетістіктерінің қатарында 2022 жылғы Бейжің қысқы Олимпиадасы бар. Азия ойындарындағы бұл жеңіс Ақнардың спорттық мансабындағы ірі жетістіктерінің бірі саналады.
Ақнар бастаған Қытай құрамасы командалық жарыстың финалында керемет өнер көрсетіп, Азия ойындарының алтынын қанжығаларына байлады. Бұл жеңіс спортшының таланты мен еңбегінің жемісі екенін көрсетті.
