Қазақстан мен ҚХР бұрын соңды болмаған өзара достық қатынасқа қол жеткізді. Ел ел басшыларының өзара сенімдігінің арқасында мәңгілік достық пен серіктестікке қол жетті. Алматыда студенттермен кездескен ҚХР-ның Алматыдағы Бас консулы осылай деді. Оның айтуынша, екі мемлекеттің байланысы мен достығы күн өткен сайын нығайып келеді.
«Екі ел лидерлерінің өзара достығы, стратегиялық әріптестік орнатуы жағынан Қазақстан мен Қытай байланысы өте жоғары деңгейге жетті. Өзара мәңгілік достық орнады. Саяси және экономикалық, әрі гуманитарлық байланыстың орнауы екі мемлекеттің оңтайлы жеңісі болып саналады. Соның ішінде екі елдегі халықтың өзара ынытақтастығы күн сайын нығайып келеді. Бұл тұрғыда жоғарғы оқу орындары мен БАҚ өкілдерінің рөлі жоғары», — деді Бас консулы Цзян Вэй.
Бас консул мен қытайдан келген делегация «Қытайдағы Алтай қазақтары» атты деректі фильмінің премьерасына қатысты. Өз сөзінде Бас консул әртүрлі ұлттар мен мәдениеттердің татулықта өмір сүруі жағынан Қазақстан мен Қытайдың ұқсастығы бар екенін атап өтті.
«Бүгін осындағы қонақтардың екі елдің байланысын нығайтуда рөлі жоғары дер едім. Сондықтан осында фильмнің тұсаукесеріне қатысуға келген адамдардың барлығына алғыс білдіргім келеді. Шыңжаң Ұйғыр автономиялық ауданы — Қытай Халық Республикасының Солтүстік-Батыс өңіріндегі орналасқан автономиялық аумақ. Шыңжаңдағы халықтың жартысына жуығы қазақтар. «Менің Алтайым» деген телесериалды көбіңіз көрген шығарсыздар. Ол көрермен тарапынан жақсы қолдау тапты, көптеген жағымды пікірлер айтылды. Бүгін көпшілікке көрсетілетін «Қытайдағы Алтай қазақтары» атты фильм де қазақстандық көрермендерге ұнайды деп ойлаймын. Қазақстан секілді Қытайда да көптеген этникалық ұлттар тұрады. Қытайда 125 млн этникалық халық өмір сүреді. Олар Қытайдың әртүрлі өлкелерінде ерте заманнан бері өмір сүріп келеді. Ол әртүрлі этнос өкілдерінің мәдениеті. Барлығы бірігіп Ұлы Қытай мәдениетін құрап отыр. Сондықтан, құрметті достар, мен барлықтарыңызға уақыт тауып Қытайға баруға, көруге кеңес берер едім және өздеріңізге түрлі мәдениеттермен танысуға жол ашар едіңіздер. Ол өте қызық болады», — деді ҚХР-ның Алматыдағы Бас консулы Цзян Вэй.
