2000 жылдардың басынан бері шейіттер қозғалысы басым бөлігі сүнниттерден тұратын Йемен үкіметіне қарсы күресіп келеді. Көтерілісшілер жақында Қызыл теңіздегі бірқатар кемелерге шабуыл жасап, әлемдік сауданы бұзды, деп жазады Еuronews.
Соңғы апталарда Қызыл теңізде сауда кемелеріне шабуыл жасап жүрген йемендік хусит көтерілісшілері Таяу Шығыста аймақтық қақтығысқа ұласып кету қаупі бар шиеленістің ортасында қалды.
Хуситтер — өздерін Йемендегі шейіт мұсылман азшылығы — зейдиттермен теңестіретін қарулы саяси және діни топ.
Бұл топ ХАМАС пен Ливанның «Хезболлах» қозғалысымен қатар Израиль, АҚШ және Батысқа қарсылық танытып жүр.
Бұл топты 1990-шы жылдары Хусейн әл-Хуси құрған, бірақ әлем оның бар екенін 2000-шы жылдардың басында, Йеменнің ұзақ уақыт бойы авторитарлық президенті болған Әли Абдалла Салехке қарсы соғысқан кезінде ғана білді.
2011 жылы «араб көктемі» кезінде Салех билікті орынбасары Абд-Рабб Мансұр Хадиге тапсырды.
2014 жылы Хади билігі кезінде Иран қолдайтын хусит көтерілісшілері Йемендегі солтүстік қорғанынан шығып, ел астанасы Сананы басып алды.
2015 жылы елдің бір бөлігін басып алған топ Хадиді шетелге қашуға мәжбүр етті.
Сауд Арабиясы хуси үкіметінің орнай ма деп қауіптеніп, сол жылы Йеменнің халықаралық мойындалған үкіметін билікке қайтару әрекетіне араласты.
Бірақ жанжал ақыры Сауд Арабиясы мен Иран арасындағы прокси соғысымен аяқталды.
Йемендегі соғыс бірнеше жылға созылып, әлемдегі ең кедей араб мемлекетін ойрандап, бейбіт тұрғындар мен содырларды қосқанда 150 мың адамның өмірін қиды және гуманитарлық апатқа ұшыратты.
Соғыс бір жылдан астам уақыт бұрын атысты тоқтатумен аяқталды, бірақ бейбітшіліктің ауылы әлі алыс.
Хуситтердің қазіргі көшбасшысы — топтың негізін қалаушының ағасы Абдул-Малик әл-Хуси.
Хуситтер бұған дейін де Қызыл теңіздегі кемелерге ара-тұра шабуыл жасап жүрді.
17 қазанда Израильдің Газадағы ауруханаға жасаған соққысынан көп бейбіт тұрғын қаза тауып, жарақат алған соң топ шабуылын күшейтті.
Хуситтер Газада атыс тоқтатамайынша бұл әрекетінінен бас тартпайтынын мәлімдеді.
Көтерілісшілер Израильмен байланысы бар кемелерді нысанаға алғанын айтты.
Дереккөз: ҚазАқпарат
Todayinfo.kz
