1 қыркүйек қарсаңында RAMS QAZAQSTAN компаниясы ата-анасының қамқорлығынсыз қалған балалар тұратын отбасылық үлгідегі балалар үйлерінде тәрбиеленіп жатқан 500-ден астам балаға білім мен қамқорлық мерекесін сыйлады, деп хабарлайды Todayinfo.
«Надежда» үйі, «Есеновтар үйі», «Баракат» және «Мейрім Мекені» аналар үйінің балалары жаңа мектеп сөмкелері мен толық оқу құралдарын иеленді.
RAMS QAZAQSTAN компаниясында әрбір баланың мектепке қуанышпен және ертеңгі күнге сеніммен баруға толық құқығы бар екені ерекше атап өтілді.
«Бұл біздің компания үшін алғашқы шара емес. Көп жылдан бері біз отбасылық үлгідегі балалар үйлерімен тығыз байланыста жұмыс істеп келеміз. Жыл сайын ол жердегі балаларға жан-жақты қолдау көрсетеміз: жаңа оқу жылына мектепке дайындау, 1 маусым – Халықаралық балаларды қорғау күніне орай мерекелер мен сыйлықтар ұйымдастыру, сондай-ақ мемлекеттік мерекелерге арналған түрлі шаралар өткізу. Қайырымдылық – біздің компания қызметіндегі басты бағыттардың бірі. Өйткені балалар – біздің болашағымыз. Бүгінгі ізгілік ертеңгі күні елге үлкен пайда әкелетін нағыз отансүйгіш азаматтар болып өсетініне сенеміз»,- деді Компанияның PR-директоры Евгения Кожа Ахмет.
Айта кетсек, биыл компания аз қамтылған отбасылардан шыққан балаларды жаңа оқу жылына дайындау мақсатында «Woman in Business» іскер әйелдер кеңесінің бастамасын да қолдады.
RAMS QAZAQSTAN компаниясының өкілдері:
«Бұл біз үшін жай ғана көмек емес, балалардың болашағына қосқан үлесіміз – өйткені білім ғана арманға апарар есікті ашады!», — деп атап өтті.
