Фото: коллаж Todayinfo.kz
Әлемдік аты аңызға айналған команданың Қазақстанға келуін бүкіл әлем жарыса жазуда. Бірі олардың киімін айтса, енді бірі қолына ұстаған сөмкелеріне қызығушылық танытуда, деп хабарлайды Todayinfo.kz ақпарат порталы.
Реал Мадрид жігіттері кеше Алматыға табан тіреген шақта Louis Vuitton брендінің бір-бір шабаданымен түскенін байқаған боларсыздар. Құдды бір сән көрсетілім секілді. Сөйтсек бұл тегін емес, әйгілі брендті жарнамалау жігіттердің бір міндеті. Корольдік клуб пен люкс бренд биыл ұзақ мерзімді коллобарацияға қол қойған. Француздың сән үйі Louis Vuitton «Реал Мадрид» спорт клубының ойыншыларын киіндіретін болады. Ойыншылар ресми сапарлар мен арнайы жиындарда сәнді образдар киіп, шабадандар мен сөмкелерді пайдаланады. Бұл бұйымдар тек командаға арналып жасалады, басқа жерде сатылмайды. Бейресми ақпаратқа сәйкес бұл келісімнен түсетін жылдық табысы 7 млн еуроға бағаланбақ. Енді Реал ойыншылары ұстаған әйгілі брендтің сөмкелерінің бағасы орта есеппен 6 млн теңгеге жуық бағаланады.
Ал Louis Vuitton брендіне не береді?
Имидж нығайту, жаңалық ашу, ғаламдық ықпал, көптеген сатып алушыларды әкеледі.
Threads желісінде Реал ойыншыларының сөмкесінің қымбат екені сонша «Қайраттың» бюджетінен де асып түсетінін айтуда.
«Реал да қалай кину керегін біледі, тура ВИП қазақтар ұқсап киініп алғанын қарашы», «Аналары қонаққа баратын киімдеріңді киіп барыңдар дегендей, ең қымбат киімді киіп келгенін қарашы», «Мына киімге Алматының стадионы сай келмейді ғой», деп жазды көпшілік.
Сондай-ақ, көпшілік пікірлердің арасынан продюсер Нұрдан Қоянбаевтың да жазбасын көзіміз шалып қалды.
«Қайрат» ойыншылары ертең Луи Виттон сөмкелермен келіңдер, ескі болсын, әйелдердікі болсын», деп жазды ол.
