– Үндістан Ресеймен не істесе де, маған бәрібір. Екеуі бірігіп, өздерінің өлі экономикасын құрта берсін. Бізде Үндістанмен бизнес аз, олардың кедендік баждары әлемдегі ең жоғары деңгейде. Сол сияқты Ресеймен де АҚШ-тың сауда-саттығы жоқтың қасы. Сондықтан бәрін сол күйінде қалдырып, Ресейдің өзіне әлі де президентпін деп ойлайтын жартылай экс-президенті Медведевке аузына абай болсын деп айтуымыз керек. Ол өте қауіпті аймаққа аяқ басып барады! – деп жазды Трамп.
Бұған дейін Дмитрий Медведев Х әлеуметтік желісіндегі ағылшынша парақшасында Трамптың Украинадағы соғысқа қатысты қойған ультиматумына жауап берген еді. Онда ультиматум қоюдың Ресей мен АҚШ арасын соғысқа жақындатады деген еді.
– Трамп Ресейге ультиматум қойып отыр: 50 күн немесе 10… Бірақ ол екі нәрсені есте ұстауы керек: Ресей – бұл Израиль емес, Иран да емес. Әрбір жаңа ультиматум – бұл қауіп, бұл соғысқа жақындау. Ресей мен Украина арасында емес, оның өз елімен, – деп жазған Медведев.
