Қазақстан Үкіметі борышкерлермен жұмыс істеудің жаңа тетігін бекітті. 2026 жылдың 1 қаңтарынан бастап міндетті зейнетақы жарналары бойынша берешегі бар азаматтарға қатысты қатаң шаралар қолданылмақ. Бұл туралы Todayinfo порталы жазды.
Ең басты өзгеріс – қарыз сомасы белгілі бір шектен асқан жағдайда, банк шоттарын бұғаттау мүмкіндігі қарастырылған.
Кімдер «қауіпті аймақта»?
Жаңа ереже бойынша шекті сома 6 АЕК (шамамен 25,9 мың теңге) көлемінде бекітілді.
Ресми деректерге сүйенсек, қазіргі таңда елімізде зейнетақы жарнасы бойынша 133 мыңнан астам адамның берешегі бар. Оларды екі топқа бөліп қарастыруға болады:
-
Қауіпсіз топ: 98 мыңнан астам төлеушінің қарызы 6 АЕК-ке жетпейді (орташа есеппен 3,9 мың теңге). Бұлар көбінесе көмекшісіз жұмыс істейтін жеке кәсіпкерлер. Оларға әзірге бұғаттау қаупі төнбейді.
-
Тәуекел тобы: Ал 34,9 мың борышкердің қарызы жаңағы шектен асып кеткен. Міне, дәл осы азаматтардың шоттарына шектеу қойылуы мүмкін.
Бұғаттау қалай жүзеге асады?
Бұл процесс бірден орындалмайды, оның арнайы тәртібі бар. Салық органдары мен банктер келесі алгоритм бойынша жұмыс істейді:
-
Хабарлама: Егер қарыз 25 950 теңгеден асса, салық органы 5 жұмыс күні ішінде борышкерге ескерту жібереді.
-
Мұрсат: Азаматқа қарызды өтеу үшін 10 жұмыс күні беріледі.
-
Шектеу: Егер осы уақыт аралығында төлем жасалмаса, банк шоттары бойынша шығыс операциялары тоқтатылады.
Маңызды ескерту: Шот толықтай бұғатталмайды. Шектеу тек қарыз сомасына тең қаражатқа ғана қойылады. Бұл бизнес пен күнделікті тіршіліктің толық тоқтап қалмауына мүмкіндік береді.
