25 қазан – Республика күні мерекесіне орай әлемдегі ең биік ғимарат – Дубайдағы 828 метрлік «Бурдж-Халифа» зәулім ғимараты тағы да Қазақстан туының түсіне боялды, деп хабарлайды Todayinfo.kz.
Бұл әсерлі жарық шоуының видеосы Қазақстанның Дубайдағы консулдығының ресми Instagram парақшасында жарияланды.
Видеода зәулім ғимараттың Қазақстанның көк байрағының түсіне боялып, Қазақстан әнұранының сүйемелдеуімен жарқырағанын көруге болады.
Айта кету керек, бұл Бурдж-Халифаның Қазақстанның маңызды мемлекеттік мерекелерін атап өтуі бірінші рет емес. Бұған дейін де зәулім мұнара Қазақстанның Тәуелсіздік күні құрметіне ұлттық түстермен бірнеше рет жарықтандырылған болатын.
