16 жастағы қыздың жыныс мүшесіне таяқ тығып қорлаған әйелдің бірі әкімдікте істеген

Алматы облысында жасөспірімді азаптау ісіне байланысты Масақ ауылдық округі әкімі аппаратының қызметкері уақытша жұмыстан босатылды. Бұл туралы Еңбекшіқазақ ауданы әкімдігі хабарлады, деп хабарлайды Todayinfo.

«Күдікті 2021 жылдан бері әкімдік аппаратында компьютерлік техниканы пайдалану бойынша оператор болып жұмыс істеді. Аталған лауазым мемлекеттік қызметке жатпайды, техникалық персонал болып саналады. Қазіргі уақытта ол қамауда отыр және сот шешімі шыққанға дейін уақытша жұмыстан шеттетілді», – делінген хабарламада.

Еске салайық, Алматы облысында 16 жастағы қызды ұрлап кетіп, жантүршілгерлік әрекеттер жасаған екі әйел ұсталған еді. Қыздың анасының сөзінше, әйелдер көлік ішінде қыздың қолына темекінің күлін басқан, мұнымен тоқтамай айдалаға апарып ұрып-соғып, суға тұншықтырып, табаның сүйгізіп, жыныс мүшесіне таяқ тығып, зорлаған. Оның бәрін видеоға түсірген. Олар қызды қорлап болған соң, телефонын тартып алған, видеоны таратамыз деп қорқытқан. Содан кейін өздерінің 3 млн теңге несиесін жауып беруді талап еткен. Оқушы мектеп бітірген соң заң факультетіне оқуға түсуге дайындалып жүрген. Оған таныстарының бірі сабағына көмектесуге уәде берген. Бірақ аяқ астынан жасөспірімге танысының қалыңдығы хабарласқан, осылайша әйел қызғаныштан қызды жазаламақ болған. Алматы облысының полициясы кәмелетке толмаған қызға дене жарақатын салу және жыныстық сипаттағы зорлық-зомбылық әрекеттері фактісі бойынша қылмыстық іс қозғады. Екі күдікті де ұсталып, уақытша ұстау изоляторына қамалды. Фото: Freepik