Қазақстанға атом электр станциясын «Росатом» салатыны анықталғаннан соң, қоғам белсенділері өз пікірін білдіре бастады, деп хабарлайды Todayinfo.
Саясаткер Әміржан Қосан бұл шешімнің мемлекеттің болашағаны кесірін тигізетінін айтады.
«Әлемдік бәсеке тұсында батыс санкцияларының астында қалған елдің қолтығына кіре түсуіміз биліктің сыртқы экономикалық байланыстарды диверсификациялау қажеттігі туралы мәлімдемелеріне томпақ келеді.
Бұл шешімнің ішкі және сыртқы қаржылық, экономикалық, әлеуметтік, саяси және геосаяси салдары болары сөзсіз. Оның бәрі бүгінгі биліктің ғана емес, мемлекетіміздің болашағына кесірлі әсерін тигізеді. Сол сынға бәріміз - әрбір азамат, қоғам және мемлекет - дайын болуымыз керек,- деді ол.
