Алматы әуежайында бірнеше халықаралық және ішкі бағыттағы рейстер уақытынан кешігуде. Ең көп кешіккен рейстер Air Astana компаниясына тиесілі, деп хабарлайды онлайн-табло мәліметтері.
Атап айтқанда, Дели, Мумбай, Сеул, Бангкок, Чуанчжоу, Ақтау, Атырау, Үрімші, Шымкент және Фукуок бағытындағы 20-дан астам рейске әсер еткен. Сонымен қатар, Қытай, Үндістан, Иран және Гонконгтен ұшатын кей авиакомпаниялар да кешікті.
Бұл туралы Todayinfo.kz ақпарат агенттігі хабарлайды.
Air Astana кешігулерге себеп ретінде ауа райын атады. 3 қаңтардан 4 қаңтарға қараған түні Алматыда қатты суық тұман болған. Кей тұстарда көріну деңгейі 150 метрден төмендеп кеткен. Соның кесірінен Airbus A320 ұшақтарына ұшу шектеулері енгізілген.
Таңертеңгі сағаттарда Астана әуежайындағы қолайсыз ауа райы да рейстер кестесіне ықпал етті.
Рейстер қай кезде қалыпқа келеді?
Компания барлық қажетті шараларды қабылдап жатқанын жеткізді. Соның бірі ретінде FlyArystan әуекомпаниясының қордағы ұшағын қолдану жоспарланып отыр.
Air Astana жолаушыларға әуежайға беттер алдында рейс мәртебесін сайттан тексеруді ұсынады.
