«Алматы Арена» Мұз сарайындағы өрт: зардап шеккен үш бала ауруханаға жеткізілді

Фото: ТЖМ Алматы қаласындағы «Алматы Арена» Мұз сарайында бүгін болған өртке қатысты тың дерек шықты, деп хабарлайды Тodayinfo ақпараттық порталы. Бұған дейін Мұз сарайында болған өрт салдарынан 4 бала құтқарылғанын жазғанбыз.

«Оқиға орнында Төтенше жағдайлар департаментінің психологы бір балаға жедел психологиялық көмек көрсетті. Үш бала ауруханаға жеткізілді», деп хабарлады Төтенше жағдайлар министрлігі.

Өрттің шығу себебін зерттеу-сынау өрт зертханасы анықтап жатыр. Бұған дейін «Алматы Арена» Мұз сарайында өрт шығып, төрт бала құтқарылғанын жазғанбыз. ТЖМ баспасөз қызметі хабарлағандай, өрт жабық мұз айдынының кіші залының бірінші қабатынан шыққан. Нақтылап айтсақ, спорттық инвентарь өртенген. Өрт сөндіру бөлімшелері келгенге дейін келушілер мен қызметкерлер ғимараттан шығып кеткен.